- Hyundai Motor қолдауымен Healthy Seas ұйымы Грекиядағы Итака аралының жанындағы балық аулау қоқыстарынан теңізді тазарту бойынша ауқымды операцияны аяқтады
- 2021 жылдың 8 маусымында Дүниежүзілік мұхиттар күнінде басталған науқан сегіз күнге созылды және 45 адамнан тұратын командаға теңіз бен жағалаудағы 76 тонна қоқысты жоюға мүмкіндік берді
- Қалдықтар қайта өңделеді және қалдықсыз экономиканың бір бөлігі болады
- Фильмнің мақсаты – науқанның тарихын, оның қоршаған ортаға әсерін және көптеген қатысушылардың әрекеттерін көрсете отырып, жобаны жүзеге асыруды түсіріп алу
- «Өзгерістер толқыны» деректі фильмінің тұсаукесері 2021 жылғы 2 тамызда BBC Future Planet жобасының сайтында және әлеуметтік желілердегі Hyundai аккаунттарында өтеді
Мұхиттық ортаны сақтаумен айналысатын Healthy Seas табиғатты қорғау ұйымы өз тарихындағы ең ірі теңіз суларын тазарту операциясының аяқталғанын хабарлады. Hyundai қолдауының арқасында ұйым еріктілері Грекиядағы Итака аралындағы қараусыз қалған балық аулау фермасында 76 тонна қоқысты жойды. Жиналған балық аулау желілері қайта өңдеуге жіберіледі және тұйықталған циклдің қалдықсыз экономикасының бөлігі болады. BBC Storyworks студиясының жаңа деректі фильмі осы маңызды оқиғаны баяндайды.
2021 жылдың көктемінде Hyundai Motor компаниясы экологиялық жауапты болашақты жақындату мақсатында Healthy Seas табиғатты қорғау ұйымымен серіктестік келісім жасалғанын хабарлады. Hyundai-ның шығарындылар деңгейі нөлге тең көліктік шешімдерін әзірлеуге бейілділігі және теңіз экожүйелерін қорғау ісіндегі Healthy Seas тәжірибесі екі ұйымға экологиялық жауапты қоғамдастықтар құру үшін күш-жігерін біріктіруге мүмкіндік берді.
«Бұл келісім – біздің «Адамзат үшін прогресс» тұжырымдамасын ілгерілетуге деген көпжақты көзқарасымыздың мысалы», – деді Hyundai Motor Europe президенті және бас директоры Майкл Коул (Michael Cole). - Құрлықта шығарындылар деңгейі нөлге тең көлікті жылжытумен қатар, біз теңіздің нәзік экожүйелерін қорғау туралы ойлаймыз. Сондықтан біз осы жоба бойынша жұмыс істеу үшін Healthy Seas-пен біріктік, ал BBC Storyworks студиясы біздің ісіміз туралы фильм түсіру арқылы бізге баға жетпес көмек көрсетті. Ортақ күш-жігерімізбен біз материалдық-техникалық қиындықтарды сәтті еңсердік және біздің тұжырымдамамыз іске асуы үшін барымызды салдық», – деп атап өтті ол.
Итакаға баратын жол: экологиялық апаттың үйінділерін тазарту арқылы өтеді.
Экобелсенділер жұмысының нысаны Грекияның Итака аралындағы қараусыз қалған балық аулау фермасы болды. 2020 жылы аралда болған Янос дауылы 2012 жылдан бері жұмыс істемейтін балық фермасына зақым келтіріп, жағалау суларында бірнеше тонна өнеркәсіптік қалдықтар қалдырды – пластикалық түтіктер, балық аулау торлары, нейлон арқандары, металл сынықтары және басқа да заттар. Жергілікті теңіз экожүйесі үшін бұл оқиға апат болды.
Суды тазарту жұмыстары балық аулау шаруашылығының қашықта орналасуына және жинау қажет болған қоқыстардың көп болуына байланысты үлкен сынақ болды. Жобаны жоспарлау жарты жылды қажет етті: іс-қимыл жоспарын құру және оны жүзеге асыру үшін 45 адамнан тұратын топ жұмыс істеді, оның ішінде 20 сүңгуір, бірнеше кеме экипажы және еріктілер.
2021 жылдың 8 маусымында Дүниежүзілік мұхиттар күнінде жобаның командасы тікелей тазартуға кірісті. Ынтымақтас Ghost Diving ұйымының 14 ерікті сүңгуірлерінен тұратын халықаралық бригада сақиналарды, түтіктерді және балық аулау торларын жою бойынша жұмыс істеді, ал коммерциялық негізде жалданған сүңгуірлер теңіз түбінен ауыр металл сынықтарын тазартумен айналысты. Еріктілердің тағы бір тобы көптеген жерлерде көптеген жылдар бойы жағаға лақтырылған пластикалық қалдықтардың елеулі қабатымен жабылған жағалауды қарап шықты.
Еріктілер командасының жұмысының арқасында теңізден, жағалау сызығынан және жағалаудан 76 тонна қоқыс шығарылды. Сонымен қатар, Вагенинген университетінің теңіз биологы Эрик Вурц (Erik Wurz) кіретін сүңгуірлер тобы ластанудың жергілікті ортаға тигізетін кері әсері туралы ғылыми зерттеу жүргізді. Іс-шара Healthy Seas тарихындағы ең ірі теңіз тазарту операциясы болды.
«Біздің Итаканың жағалауы мен суларын тазарту жөніндегі жұмысымыздың нәтижелері – бұл шынымен ерекше құбылыс», – деді Healthy Seas директоры Вероника Микос (Veronika Mikos). – Бұл іс-шара Hyundai қолдауынсыз және көптеген халықаралық және жергілікті серіктестеріміздің көмегінсіз мүмкін болмас еді. Біздің жұмысымыз жергілікті тұрғындарға да, теңіз экожүйелеріне де айтарлықтай әсер етеді», - деді ол.
Балық аулау торлары ECONYL® – тұйықталған цикл экономикасы үшін қалпына келтірілген нейлонға айналады
Алайда белсенділердің жұмысы мұнымен аяқталған жоқ. Жиналған қоқыс Афина маңындағы қалдықтарды қабылдау орнына жіберілді, онда ол жаңа материалдарға қайта өңделді. Aquafil серіктестік ұйымы балық аулау торлары мен басқа да нейлон қалдықтарын тазалап, сұрыптайды, содан кейін оларды ECONYL® деп аталатын материалға айналдырады. Жаңа материалдың жіптерін шексіз рет қайта өңдеуге болады, ал материалдың өзі спорттық киімдер мен купальниктер, кілемдер және тіпті автомобиль интерьерін безендіру үшін қолданыла алады. Hyundai-ның түпкі мақсаты – ECONYL®-ды өз өніміне интеграциялау. Бұл жолдағы алғашқы қадам жақында ұсынылған IONIQ 5 моделі болды, оған Еуропада осы материалдан жасалған кілемшелермен тапсырыс беруге болады.
«Жиналған қоқысты болашақ өнім үшін жаңартылатын шикізат көзі ретінде пайдалана отырып, біз қоршаған орта да, бүкіл әлемдегі адамдар да ұтатын қалдықсыз экономиканы ілгерілетуге үлес қосамыз», – деп атап өтті Вероника Микос.
BBC Storyworks экология туралы деректі фильм
Өз қызметін құжаттау, теңіз кеңістігін қорғау және Hyundai және Healthy Seas-тың қалдықсыз экономиканы алға жылжыту бойынша бірлескен күш-жігері туралы хабардарлықты арттыру, сондай-ақ Итака маңындағы су мен жағалауды тазарту туралы айтып беру үшін Hyundai Motor компаниясы BBC StoryWorks студиясымен келісім жасады.
«Өзгерістер толқыны» (Turning Tides) атты деректі фильм балық аулау шаруашылығынан ластану ауқымын көрсетеді және тазарту жұмыстарын жүргізгенге дейін оның теңіз тұрғындарының өміріне әсер ету дәрежесін көрсетеді. Деректі фильмде еріктілердің қалдықтарды жағалауда және теңізде қалай жинайтындығы, содан кейін олар әрі қарай тазарту және қайта өңдеу үшін Aquafil зауытына жіберілетіні көрсетілген. Барлық қоқыстар максималды қайта өңделеді, ал полимерлердің белгілі бір түрі – Нейлон 6 – ECONYL® материалына айналады.
Шон О’Хара (Sean O’Hara), BBC Global News халықаралық жарнама сату жөніндегі атқарушы вице-президенті: «Өздерінің «жасыл» тәжірибелері туралы айтқысы келетін экологиялық жауапты брендтер – BBC Global News-тің бұрыннан келе жатқан коммерциялық серіктестері. Бұл біздің қызықты сюжеттерімізге, бүкіл әлемнің кең мақсатты аудиториясына және көміртегі бейтараптығына деген адалдығымызға байланысты. BBC Future Planet іске қосылғаннан бері біз көрермендерге еліктіру әсеріне ие шынайы контентті дәйекті түрде ұсындық. Нәтижесінде, біздің веб-сайттағы трафик соңғы жылы экспоненциалды түрде өсті. Біз Hyundai сияқты брендтер біздің жетістіктерімізді бізбен бөліскісі келетініне, олар біздің сюжеттеріміздің басты кейіпкерлеріне айналатынына және BBC-дің тәжірибелі жүргізушілері оларға көрермендермен қарым-қатынас жасауға көмектесетініне қуаныштымыз».
Фильмнің лейтмотивіне және Hyundai ұсынған экологиялық жауапты әлем тұжырымдамасына сәйкес болу үшін, BBC Storyworks арнасы түсірілімге «жасыл» көзқарасты басшылыққа алды және күн батареялары арқылы алынған электр қуатын жабдықтарды қайта зарядтау үшін пайдаланды. Телеарна командасы өзінің көміртегі ізін азайту үшін жасаған қадамдарын мойындау ретінде, Albert экологиялық ұйымы түсірілім командасына Carbon Action Plan рейтингінің үш жұлдызының екеуін және көміртегі шығарындыларын азайту жоспарына 83% сәйкестігін берді.
Деректі фильмнің премьерасы 2021 жылдың 2 тамызында BBC Future Planet жобасының сайтында, сондай-ақ әлеуметтік желілердегі Hyundai аккаунттарында өтеді.